Sa panahong ito na usong-uso ang mga Emolaslas kids (mostly dahil sa pagkabigo sa pag-ibig), mahalagang malaman natin kung anu-ano ang mga posibleng hakbang upang maiwasan ang mga extreme cases ng ka-EMOhan.
Una sa lahat, i-identify naten ang mga usual na rason, at sa partikular na seryeng ito, magpopokus tayo sa isang rason “daw” ng mga break-ups: INCOMPATIBILITY.
Sa araw-araw kong pakikisalamuha sa ibat-ibang uri ng tao (at sa araw-araw kong pag-uusi sa mga usapan ng mga studyante sa dyip, ng mag yuppies sa coffee shop, mga mababantot na naggiGym sa labas ng Boarding House ko, at maging ng mga bakla na nakatambay sa labas ng parlor (na katabi ng suki kong karinderya), madalas kong marinig ang terminong Incompatibility.
“Siguro di talaga kame swak sa isa’t-isa…gusto ko to, pero yun ang gusto n’ya…”
At dahil nagkataon na sa araw-araw na pakikisalamuha ko sa kanila nitong mga nakaraang araw ay nagrereview ako ng mga posibleng statistical treatments sa kamoteng tisis ko, heto’t nakaisip ako ng pamamaraan upang ma-“measure” ang compatibility mo sa jowa mo.
(DISCLAIMER: Walang scientific proof ang sumusunod. Pawang kagunggungan lamang.)
So ganto ang gawin natin, hanapin naten ang mga trip mong gawin, at trip n’yang gawin. Tapos i-tabulate naten, at subukan nating hanapin ang level of significance ninyong dalawa. Heto ang pormulang gagamitin natin:
r= [∑xy- (∑x) (∑y)/n]
√ [∑x2- (∑x) (∑x)/n] [∑y2- (∑y) (∑y)/n]
Let:
x= Boy
y= Girl
xy= minultiply na boy at girl
∑xy= summation ng minultiply na Boy at Girl
x2= Dinobleng Boy
y2= Dinobleng Girl
∑x2= summation ng dinobleng boy
∑y2= summation ng dinobleng girl
n= bilang ng mga trip nyong gawin
Ngayon, ang gagawin natin ay itabulate ang mga trip nyong gawin.
Halimbawa:
1. magmall
2. manood ng sine
3. manood ng basketball game
4. magkape
5. maglibrary
6. magusap ng mga pilosopikal na bagay
7. mag-usap tungkol sa kabulukan ng gubyernong Arroyo
8. mag-usap ng mga debate motions (dahil isa sa inyo ay alagad ni Sir Ali)
9. kumain ng Jolly Spaghetti
10. Manlait ng mga nakakasalubong.
Ito ngayon ang magko-constitute ng n.
Tapos, iskoran mo at ng jowa mo ang n. 1-10 ang rating scale; 10 being the highest (meaning super trip mo) at 1 being the lowest (meaning super badtrip ka)
Halimbawa: MAGMALL-- x=5; y=10
Tapos isquare mo ang x at y, para makuha ang x2 at y2. (x2=25; y2=100)
Tapos imultiply mo ang x at y, para makuha ang xy.
Tapos, itable mo.
Kunin ang ∑ by simply adding all x's, y's, x2's, y2's, at xy's
Tapos, ayun, iderive mo na ung formula. Malaki ka na. Alam mo na yan, at tinatamad na ko magtype.
Ito dapat ang sagot mo (kung hindi ito ang sagot mo, ulitin; kung di pa rin pareho, wag ka mangealam, blog ko to; absolute ang sagot ko.)
r= 0.39
Ngayon tatanungin mo ako kung ano ang interpretation nyan. Well, eto ang interpretation ng mga sagot sa Coefficient-Correlation:
0.7-0.99= High positive correlation
0.3-0.69= Moderate positive correlation
0.1-0.29= Low positive correlation
Lower than 0.1= Negligible correlation
In short, kung kayong magjowa ang naexample sa taas ay moderate ang inyong konek. May mga bagay na ok kayo, na halos katumbas din ng mga bagay na magkaiba ang trip n’yo.
So ano ngayon ang implikasyon? Aba ewan ko sa inyo, either gustuhin mo ang gusto nya o gustuhin nya ang gusto mo. Ngayon kung di nyo magustuhan ang isa’t-isa, edi ayaw nyo sa isa’t-isa. Ergo, magbreak nalang kayo. (But don’t laslas yourself.)
No comments:
Post a Comment