SERYENG EMO: Tomo 1, Blg. 1: Mga Praktikal na Tips sa Pagpili ng Jowa (para sa mga babae to)

Dahil sa nabubuang na ako sa pagsulat ng tisis kong walang kawawaan, pagbigyan n’yo na ko; magpapaka Joe D’ Mango muna ako sa mga blogs na ipapaskil ko…


Kanina, dahil wala pang klase sa Lasalle, ay buong maghapon akong tumambay sa PNU. Plano ko talagang mag-research at ituloy ang pagsulat ng atras-abante kong tisis, e kaso ewan ko ba…

Anyway, may napala naman ako maghapon (kahit papano). Bandang 2:30 ng hapon ng mapagtanto kong kelangan ko na talaga magpunta sa Library at maghagilap ng mga references. May katagalan na rin siguro akong di nakakaakyat sa 3rd floor, nagrigodon na pala ang maalikabok na mga bookshelves doon. In fairness, maalikabok pa rin sila.

Napansin kong as usual, mas maraming tambay sa meatshop sa harap ng CED at sa catwalk sa harap ng Luncheonette. Maluwag na maluwag ang Library, parang EDSA pag may laban si Pacquiao.

Pero in fairness, may nakita naman akong dati kong mga studyante. Partikular ang itatago natin sa pangalang Lara Croft. Nagdodrowing s’ya ng abutan ko, pero maya maya ay nagbasa na din. Nagkamustahan kame saglit, tinanong ko kung bat s’ya nag-iisa. Nalungkot ako sa sagot n’ya, “Ayaw nila dito sa Lib e.”

So ano ngayon ang relevance neto sa EMOLASLAS BLOG SERIES ko?

Simple lang. Mga girls, kung ako sa inyo, (lalo na kung studyante ka) bastedin ang mga lalakeng ayaw maglibrary—syempre literally at figuratively ito—(mga lalake, wag ligawan ang babaeng hindi nag-aaral o talagang ayaw lang mag-aral, korni yan kausap believe me)

O teka, wag kang reaksyunaryo. Ito naman e based on experience lang. Kung ayaw mo maniwala, e tigilan mo na ang pagbabasa neto.

Madalas mapagkwentuhan namen ni Kay ang bagay na ito. Napagtanto lang namen na malaki ang posibilidad na boring, walang kwenta, at korni kausap/kasama ang jowa na di nagbabasa o kaya di nag-aaral. Baket kamo? E ano’ng paguusapan n’yo kung wala namang laman ang kukote n’ya?

Eto ang mga posibleng topics n’yo:

1. Yung lamay kagabi. Klasmeyt nya nung grade 1. Nasaksak ng icepick

2. Yung ex-jowa nya na nagJapan dahil gusto iahon ang pamilya sa kahirapan (malamang iparamdam pa nya sayong magJapan ka na rin)

3. Yung snatcher sa Quiapo na nabilhan nya ng N95 for only P1,500 (at iinggitin ka pa n’yan)

4. Yung pinakaunforgettable moment sa karir n’ya bilang player sa liga pag summer. (nakagawa sya ng 2 points, pero ipagtatanggol ang sarili, “Ako naman halos ang gumawa ng rebounds. Grabe pagod na pagod ako tumalon!” Ang magandang sagot d’yan ay: “Try mo maging Kangaroo”)

5. Kung gaano kalaki na ang improvement sa biceps at triceps n’ya. Ok sana kung kasabay ng paglaki ng muscles e ung utak nya, o kaya kahit ung bank account lang sana pede na. Pero kung muscles lang tlaga, ampaw pa rin.

Pero kung sa tingin mo naman e “cool” ang mga topic na nasa itaas (lalo na pag “love” mo naman ang kausap mo) e kalimutan mo na lahat ng sinabi ko.